Enginn sendingarkostnaður af pöntunum yfir 50.000 kr

Bláberja- og rabarbarasaft með engifer, kanil og púðursykri

Bláberja- og rabarbarasaft með engifer, kanil og púðursykri

Hráefni
5 l bláber
2,5 kg rabarbari (frosinn - gott er að frysta hann í bitum)
250 gr púðursykur
3 sneiðar ferskur engifer (ca. 2-3 mm þykkar)
1 kanilstöng

Aðferð
Leggið rabarbarann og kanilstöngina í sigti saftpottsins og stráið engifer, púðursykri og loks berjunum yfir. Gott er að hafa um fjóra lítra af vatni í pottinum og láta sjóða við miðlungs hita eftir að suða hefur komið upp. Þetta er kröftug og bragðgóð saft - og ekki síðri volg beint úr pottinum.

Einnig má bæta við rúsínum, möndluflögum og nokkrum negulnöglum og hita í potti en þar er þá komin fyrirtaks óáfeng jólaglögg. Hana má svo aftur styrkja með rauðvíni og Grand Mariner - og þá vantar ekki annað en góðar piparkökur með! Ágætt er að skammta saft og rauðvín til jafns og svo smá appelsínulíkjör eða jafnvel vodka útí, eftir smekk.

Leit